ଖବର ଆମଅଞ୍ଚଳର

 ନବରଙ୍ଗପୂର,(୦୫।୦୩):କିଛି ଦିନ ରହିଛି ସାଧାରଣ ନିର୍ବାଚନ । ସଂସଦୀୟ କ୍ଷେତ୍ର ନବରଙ୍ଗପୁରରେ ରାଜନୈତିକ ଉଷ୍ମତା ଯେତିକି ବଢିଛି ପ୍ରାର୍ଥୀକୁ ନେଇ ମଧ୍ୟ ଦ୍ଵନ୍ଦ ବିରୋଧ ଓ କର୍ମୀନେତାଙ୍କ ଉତ୍କଣ୍ଠା । ସରଗରମ ରାଜନୀତି ଓ ଏହାରି ମଧ୍ୟରେ ପ୍ରସ୍ତୁତ ମଇଦାନରେ ପ୍ରମୁଖ ୩ ରାଜନୈତିକ ଦଳର ପ୍ରତିଦ୍ଵନ୍ଦୀ । ଚଳିତ ସାଧାରଣ ନିର୍ବାଚନରେ ନବରଙ୍ଗପୂର ଲୋକସଭା ନିର୍ବାଚନମଣ୍ଡଳୀରେ ତ୍ରିମୁଖୀ ଲଢେଇ ହେବାକୁ ଯାଉଛି । ଏଥର ଲଢେଇ ଜୋରଦାର ହେବା ସହ କଡା ଟକ୍କରର ସାମନା କରିବାକୁ ୩ପ୍ରାର୍ଥୀଙ୍କୁ ପଡିପାରେ ବୋଲି ସବୁଆଡେ ଆଲୋଚନା ଜୋର ଧରିଛି ।  କଂଗ୍ରେସରୁ ପୂର୍ବତନ ଡାବୁଗାଁ ବିଧାୟକ ଭୁଜବଳ ମାଝୀ ପ୍ରାର୍ଥୀ ହୋଇଥିବା ବେଳେ ବିଜେଡିରୁ ପ୍ରଦୀପ ମାଝୀ ଓ ବଳଭଦ୍ର ମାଝୀଙ୍କୁ ପୁଣିଥରେ ସୁଯୋଗ ଦେଇଛି ଭାଜପା ଦଳ । ଲୋକସଭା ପ୍ରାର୍ଥୀଙ୍କ ପାଇଁ ଏହି ନିର୍ବାଚନ ବହୁ ଚ୍ୟାଲେଞ୍ଜ ନେଇ ଆସିଛି । କଂଗ୍ରେସରୁ ପ୍ରଦୀପ ଓ ବିଜେଡିରୁ ବଳଭଦ୍ରଙ୍କୁ ସାଂସଦ ଭାବେ ମତଦାତାମାନେ ନିର୍ବାଚିତ କରିଥିଲେ । ହେଲେ ପରିବର୍ତ୍ତନଶୀଳ ରାଜନୀତିରେ ଦଳ ବଦଳାଇ ଥିବା ବଳଭଦ୍ର ଦ୍ଵିତୀୟ ଥର ପାଇଁ ବିଜେପି ପ୍ରାର୍ଥୀ କରିଥିବାବେଳେ ପ୍ରାର୍ଥିତ୍ଵକୁ ନେଇ ଦଳରେ ବିଦ୍ରୋହ ଦେଖାଦେଇଛି । ଏକଦା ନବରଙ୍ଗପୁର ଲୋକସଭା ନିର୍ବାଚନ ମଣ୍ତଳୀ କଂଗ୍ରେସର ଗଡ ରହିଥିଲା । ସ୍ଵର୍ଗତ ଖଗପତି ପ୍ରଧାନୀ ୯ଥର ସଂସଦ ଭାବେ ନିର୍ବାଚିତ ହୋଇଥିଲେ । ଖଗପତିଙ୍କ ପରେ ୧୯୯୯ଓ ୨୦୦୪ରେ କ୍ରମାଗତ ୨ଥର ବିଜେପିରୁ ଅଞ୍ଚଳର ଆଦିବାସୀ ନେତା ପର୍ଶୁରାମ ମାଝୀ ତୃଣମୂଳସ୍ତରରେ ଦୃଢ ସଂଗଠନ କରି ସାଂସଦ ହୋଇଥିଲେ । ୨୦୧୯ରେ ନବରଙ୍ଗପୂର ଲୋକସଭାର ୭ଟି ନିର୍ବାଚନ ମଣ୍ଡଳୀରୁ ବିଜେଡି ୫ ଓ ବିଜେପି ୨ଟି ଆସନକୁ ଅକ୍ତିଆର କରିଥିଲା । ବିଜେଡି ପ୍ରାର୍ଥୀ ରମେଶଙ୍କୁ ୩ଲକ୍ଷ ୯୨ହଜାର୪୮୧ ଖଣ୍ଡ ଭୋଟ ମିଳିଥିଲା । କଂଗ୍ରେସର ପ୍ରଦୀପ ୩ଲକ୍ଷ୪୯ହଜାର୪୩୭ ଭୋଟ ପାଇ ଦ୍ଵିତୀୟ ସ୍ଥାନରେ ରହିଥିଲେ । ସେହିପରି ବିଜେପିର ବଳଭଦ୍ର ୩ଲକ୍ଷ୪୨ହଜାର୫୧ ଭୋଟ ପାଇ ତୃତୀୟ ସ୍ଥାନରେ ରହିଥିଲେ । ତେବେ ୨୦୧୯ଲୋକସଭା ନିର୍ବାଚନରେ ବିଜେଡି ଛାଡି ବିଜେପି ଯୋଗଥିବା ବଳଭଦ୍ର ହାରର ସାମନା କରିଥିବା ବଳଭଦ୍ରଙ୍କୁ ପୁଣିଥରେ ୨୦୨୪ରେ ଟିକଟ ଦେଇଥିବା ପରେ କର୍ମୀ ମହୋଲରେ ତୀବ୍ର ଅସନ୍ତୋଷ ଦାନା ବାନ୍ଧିବାରେ ଲାଗିଛି । ଦଳରେ ତୃଣମୂଳ ସ୍ତରରେ ସଂଗଠନ କରିଥିବା ଆଦିବାସୀ ନେତା ପୂର୍ବତନ ସାଂସଦ ପର୍ଶୁରାମ ମାଝୀଙ୍କୁ ଟିକଟ ନ ମିଳିବାକୁ ନେଇ ବିଭିନ୍ନ ସଂଗଠନ, ଦଳୀୟ କାର୍ଯ୍ୟକର୍ତ୍ତା ବଳଭଦ୍ରଙ୍କ ପ୍ରାର୍ଥିତ୍ଵ ନିଷ୍ପତ୍ତିକୁ ବିରୋଧ କରି ବିଦ୍ରୋହ କରିଥିଲେ । ଦଳର ନିଷ୍ପତ୍ତିକୁ ନେଇ ଜିଲ୍ଲାରୁ ରାଜ୍ୟ ଓ ଶୀର୍ଷ ନେତୃତ୍ଵ ନିକଟରେ ବାରମ୍ବାର ଲୋକସଭା ପ୍ରାର୍ଥୀ ପୁନଃ ବିଚାର କରାଯାଉ ବୋଲି ଦଳୀୟ କର୍ମୀ ବାରମ୍ବାର ଚାପ ପକାଉଥିବା ସାଧାରଣରେ ଚର୍ଚା ଜୋର ଧରିଛି । ଗୋଟିଏ ପଟେ ଲୋକସଭା ସହ ୭ନିର୍ବାଚନ କ୍ଷେତ୍ରରେ ପ୍ରାର୍ଥିତ୍ଵକୁ ନେଇ ବିଦ୍ରୋହ ଓ ଦଳୀୟ ବିଶୃଙ୍ଖଳା ଯାହା କି ବିରୋଧୀ ଶିବିରରେ ଲଢେଇ ପାଇଁ ଅଧିକ ସୁହାଇବା ବୋଲି ଆଲୋଚନା ହେବା ସହ ସମସ୍ତ ଆସନରେ ବିରୋଧୀ ବାଜିମାତ କରିବା ଏକ ପ୍ରକାର ନିଶ୍ଚିତ ହେଉଥିବା ଆଲୋଚନା ହେଉଅଛି । ସାଂସଦ ପ୍ରାର୍ଥୀ ହେବା ପାଇଁ ଜିଦରେ ଅଟଳ ଥିବା ପୂର୍ବତନ ସାଂସଦ ପର୍ଶୁରାମ ମାଝୀଙ୍କୁ ରାଜ୍ୟ ଓ କେନ୍ଦ୍ର ନେତୃତ୍ଵ ମଧ୍ୟରେ ବାରମ୍ବାର ଆଲୋଚନା ବିଫଳ ହେଉଥିବା ସହ ଟିକଟ ନ ମିଳିଲେ ସ୍ଵାଧୀନ ପ୍ରାର୍ଥୀ ଭାବେ ପର୍ଶୁରାମ ଲଢିବା ଦଳୀୟ କ୍ଷତି ହେବା ସହ ମୋଦୀଙ୍କ ୪୦୦ପାରର ଲକ୍ଷ୍ୟକୁ ଅଙ୍କୁଶ ଲଗାଇବ ନବରଙ୍ଗପୁର ସଂସଦୀୟ କ୍ଷେତ୍ର ବୋଲି ଚର୍ଚ୍ଚା ହେଉଅଛି ।

ନବରଙ୍ଗପୁର ଜିଲ୍ଲା କୋଷାଗୁମୁଡ଼ା ବ୍ଲକ ବିଏମ ସେମଳା ପଞ୍ଚାୟତ ଡାଡିଆ ମାଝୀଗୁଡା ନର୍ସରିଠାରେ ଆଜି ବ୍ଲକ ଟ୍ରାକ୍ଟର ମାଲିକ ସଙ୍ଘର ନୂଆ ବର୍ଷ ଭେଟଘାଟ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ବୈଠକର ଆରମ୍ଭରେ ସମସ୍ତ ସଭ୍ୟ ପରସ୍ପରକୁ ନୂତନ ବର୍ଷର ଶୁଭେଚ୍ଛା ଜଣାଇଥିଲେ । ସଂଘ ସଭାପତି ଧରମ ସିଂଙ୍କ ସଭାପତିତ୍ୱରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଟ୍ରକର ସଂଘର ବିଭିନ୍ନ ସମସ୍ୟା ଗୁଡିକ ବିଷୟରେ ଆଲୋଚନା କରାଯାଇଥିଲା । ସଙ୍ଘର ବ୍ଲକ ସଂଗଠନକୁ ଆଗାମୀ ଦିନରେ କିଭଳି ଭାବେ ଅଧିକ ସଂଗଠିତ କରାଯିବ ସେ ନେଇ ଆଲୋଚନା କରାଯାଇଥିଲା । ଆଜିର ଏହି କାର୍ଯ୍ୟକ୍ରମରେ ପ୍ରାୟ ଶହେରୁ ଉର୍ଦ୍ଧ୍ବ ଟ୍ରାକ୍ଟର ମାଲିକ ଯୋଗ ଦେଇଥିଲେ ।

 ଆଜକୁ ୧୪ବର୍ଷ ହେବ ନିଜସ୍ୱ କୋଠା ନାହି । କେତେବେଳେ କାହା ଅଗଣାରେ ତ କେତେବେଳେ କାହା ବାରଣ୍ଡାରେ ଖରା ବର୍ଷା ବର୍ଷ ତମାମ ଚାଲୁଛି ଛୋଟ ଛୋଟ ପିଲାଙ୍କୁ ନେଇ ଅଙ୍ଗନବାଡି । ମାଁ ଓ ଶିଶୁଙ୍କ ପାଇଁ ଥିବା ଯୋଜନାର ନା ଲାଭ ଉଠାଇ ପାରୁନଥିବା ଅଭିଯୋଗ କରିଛନ୍ତି ଗ୍ରାମବାସୀ । ଦିଗହରା ହୋଇପଡିଛି ସରକାରଙ୍କ ମାଁ ଓ ଶିଶୁବିକାଶ ଯୋଜନା । ଅଙ୍ଗନବାଡିର ହିତାଧିକାରୀ ଗର୍ଭବତୀ ମାଁ, ୦-୫ ବର୍ଷ ପ୍ରି-ସ୍କୁଲ ପିଲା ଭୋଗୁଛନ୍ତି ନାନା ଅସୁବିଧା । ଏଇଭଳି ଦୃଶ୍ୟ ଦେଖିବାକୁ ମିଳିଛି ନବରଙ୍ଗପୁର ଜିଲ୍ଲା କୋଷାଗୁମୁଡା ବ୍ଲକ ସଦର ବାଲେଙ୍ଗା ପଞ୍ଚାୟତ ୨ନଂ ଅଙ୍ଗନବାଡି କେନ୍ଦ୍ରଠାରେ । ବାଲେଙ୍ଗା ପଞ୍ଚାୟତ ୨ନଂ ଅଙ୍ଗନବାଡି । ୨୦୦୭ମସିହାରେ ନିଜସ୍ୱ ଏକ ଘରେ ଚାଲିଆସୁଥିବା ବେଳେ ୨୦୦୯ ମସିହାରେ ଉକ୍ତ ଘରଟି ଭାଙ୍ଗି ନଷ୍ଟ ହୋଇଯାଇଥିଲା । ୨୦୦୯ ମସିହାରୁ ବର୍ତ୍ତମାନ ପର୍ଯ୍ୟନ୍ତ ଦୀର୍ଘ ୧୪ ବର୍ଷ ଧରି ଉକ୍ତ କେନ୍ଦ୍ରଟି ପ୍ରଥମେ ପ୍ରଥମେ ସ୍କୁଲ ବାରଣ୍ଡା ପରେ ଗ୍ରାମର ଏକ ଦେବତା ମନ୍ଦିର ଓ ଏହାପରେ ବିଭିନ୍ନ ଘର ଅଗଣା ତ କେତେବେଳେ ବାରଣ୍ଡାରେ କାର୍ଯ୍ୟକ୍ଷମ ହେଉଅଛି । ଖରା ବର୍ଷା ଶୀତରେ ବର୍ଷ ତମାମ ଏହି ନିଜସ୍ୱ କୋଠା ନଥିବା ଅଙ୍ଗନବାଡି କେନ୍ଦ୍ରଠାରେ ଅନୂକୂଳ ପରିସ୍ଥିତିରେ ବହୁ ଅଭାବ ଅସୁବିଧା ମଧ୍ୟରେ ହିତାଧିକାରୀ, ଗର୍ଭବତୀ ମାଁ, ୦-୫ ବର୍ଷ ପିଲା ଏହିପରିକି ସାଧାରଣ ଲୋକେ ପ୍ରି-ସ୍କୁଲ, ମମତା ଦିବସ ଇମୁନାଇଜେରେସନ, ପୋଷଣ ଦିବସ, ଝାଡାବାନ୍ତି ଜ୍ଵର ଚିକିତ୍ସା ପାଇଁ ନିର୍ଭର କରିଆସୁଛନ୍ତି । କୋଠା ନଥିବା ହେତୁ ଅଙ୍ଗନବାଡି କେନ୍ଦ୍ରର ଯାବତୀୟ ସରଞ୍ଜାମ ଚେୟାର, ଟେବୁଲ ଖେଳନାଠାରୁ ଆରମ୍ଭ କରି ବିଭିନ୍ନ ପ୍ରକାର ଚିକିତ୍ସା ପାଇଁ ଆବଶ୍ୟକୀୟ ଉପକରଣ ଉପଯୋଗ ହୋଇପାରୁନଥିବା ଅଙ୍ଗନବାଡି କର୍ମୀ ଦେବକୀ ହରିଜନ ପ୍ରକାଶ କରିଛନ୍ତି । ଏହିପରି କି ଖୋଲା ସ୍ଥାନରେ ଗର୍ଭବତୀ ମାନେ ସ୍ୱାସ୍ଥ୍ୟ ପରୀକ୍ଷା ପାଇଁ ସଙ୍କୋଚ ହେଉଥିବା ସହ କେବଳ ନାମକୁ ମାତ୍ର କେନ୍ଦ୍ରଟି କାର୍ଯ୍ୟକ୍ଷମ ଥିବା ବେଳେ ଗ୍ରାମବାସୀ ଏଥିପାଇଁ ବହୁ ଅସୁବିଧାର ସମ୍ମୁଖୀନ ହେଉଥିବା ଅଭିଯୋଗ କରିଛନ୍ତି । ଅଙ୍ଗନବାଡି କେନ୍ଦ୍ରଟିଏ ନିର୍ମାଣ ପାଇଁ ଗ୍ରାମବାସୀ ବହୁବାର ଲୋକପ୍ରତିନିଧିଠାରୁ ପ୍ରଶାସନ ନିକଟରେ ଦାବି କରିଆସୁଥିଲେ ମଧ୍ୟ କେହି କର୍ଣପାତ କରୁନଥିବା ଗ୍ରାମବାସୀ ଅଭିଯୋଗ କରିଛନ୍ତି । ଏନେଇ ଆମେ କୋଷାଗୁମୁଡା ସିଡିପିଓ ଯମୁନା ଭତରାଙ୍କ ସହ ଯୋଗାଯୋଗ କରିବାରୁ ସେ କହିଥିଲେ “ନୂତନ କୋଠା ନିର୍ମାଣ ପାଇଁ ବିଭାଗ ପକ୍ଷରୁ କୌଣସି ବ୍ୟବସ୍ଥା କରାଯାଇନାହି । ଅଙ୍ଗନବାଡି କେନ୍ଦ୍ର ନିର୍ମାଣ ପାଇଁ ଆସିଥିବା ତାଲିକାରେ ମଧ୍ୟ ବାଲେଙ୍ଗାର ନାମ ରହିନାହି ଏନେଇ ବିଭାଗକୁ ଜଣାଯାଇ  ପରବର୍ତ୍ତୀ ପଦକ୍ଷେପ ଗ୍ରହଣ କରାଯିବ” |