ଖବର ଆମଅଞ୍ଚଳର

 ନବରଙ୍ଗପୁର ଜିଲ୍ଲା କୋଷାଗୁମୁଡ଼ା ବ୍ଲକ ସଦର କୋଡ଼ିଙ୍ଗା ପଞ୍ଚାୟତ ଗୁଡ଼ାସାହିଠାରେ ଗୁରୁବାର ଗୋଟେ ବାଲ୍ୟବିବାହକୁ ରଖିବାରେ ସଫଳ ହୋଇଛି ପ୍ରଶାସନ । ଏଥିସହ ଆସିଥିବା ନାବାଳିକାକୁ ଉଦ୍ଧାର କରି ପରିବାର ଲୋକଙ୍କୁ ହସ୍ତାନ୍ତର କରିବା ସହିତ ନାବାଳିକା ଓ ନାବାଳକ ପ୍ରାପ୍ତ ବୟସ ହେବ ପରେ ଏହି ବିବାହ କରାଇବାକୁ ଏକ ରାଜିନାମା ସ୍ବାକ୍ଷରିତ ହୋଇଛି । ସୂଚନା ଅନୁଯାୟୀ କୋଡ଼ିଙ୍ଗା ଗ୍ରାମର ଗୁଡ଼ାସାହିର ତ୍ରିପତି ହରିଜନ ଉମରକୋଟ ବ୍ଲକ କାଳିଆମ୍ବାଗୁଡ଼ା ଗ୍ରାମର ଜନୈକ ନାବାଳିକାଙ୍କୁ ୧୫ ଦିନ ତଳେ ଘରକୁ ନେଇ ଆସିଥିଲେ । ଏ ସମ୍ପର୍କରେ ବିଶେଷ ସୂତ୍ରରୁ ଖବର ପାଇ ସ୍ଥାନୀୟ ଆଶା ଏବଂ ଅଙ୍ଗନବାଡି କର୍ମୀ ତାଙ୍କ ଉପରସ୍ତ ଅଧିକାରୀଙ୍କୁ ଜଣାଇଥିଲେ । ତେବେ ଆଜି  ଆଇସିଡିଏସ୍ ସୁପରଭାରଜର ରାଜେଶ୍ୱରୀ ନାଗ, ସ୍ଥାନୀୟ ନାଏବ ସରପଞ୍ଚ ଉର୍ଦ୍ଧ୍ବବ ଭତ୍ରା, ୱାର୍ଡ ମେମ୍ବର ଅନିତା କୁମାରୀ ପାତ୍ର, ଜଗନ୍ନାଥ ଚାଲାଣ, ଆଶା ଏବଂ କିଛି ଅଙ୍ଗନବାଡି କର୍ମୀ ମାନେ ନାବାଳକର ଘରେ ପହଞ୍ଚି ତାଙ୍କ ପରିବାରକୁ ବୁଝାସୁଝା କରି ଶପଥ ପାଠ କରାଇଥିଲେ । ବୟସ ନ ହେବା ପର୍ଯ୍ୟନ୍ତ ପୁଅ ପାଇଁ ଝିଅ ଆଣିବା ବା ବିବାହ କରାଇଦେବା ଆଇନତ ଅପରାଧ ବୋଲି କହିବା ସହିତ ଏଥିରେ ଖିଲାପ ହେଲେ ସରକାରୀ ନିୟମ ଅନୁଯାୟୀ କାର୍ଯ୍ୟାନୁଷ୍ଠାନ କରାଯିବ ବୋଲି ବୁଝାଇଥିଲେ । ପରେ ନାବାଳକର ପରିବାର ବାଲ୍ୟବିବାହ ନ କରିବାକୁ ରାଜି ହୋଇଥିଲେ। ଶେଷରେ ନାବାଳକ ଓ ନାବାଳିକା ପ୍ରାପ୍ତ ବୟସ ହେବା ପରେ ଏହି ବିବାହ କରାଇବାକୁ ଏକ ରାଜିନାମାପତ୍ର ସ୍ବାକ୍ଷରିତ ହୋଇଥିଲା ।

କୋଷାଗୁମୁଡ଼ା,୦୪।୦୧(ଆପ୍ର) ନବରଙ୍ଗପୁର ଜିଲ୍ଲା କୋଷାଗୁମୁଡା ବ୍ଲକ କୋକଡି ସେମଳା ପଞ୍ଚାୟତର ଝରନଗୁଡା ରାସ୍ତାରେ ବାଇକ ଦୁର୍ଘଟଣାରେ ଜଣେ ଯୁବକ ଗୁରୁତର ଆହତ ହୋଇଥିବା ବେଳେ ଜଣେ ଯୁବକଙ୍କ ମୃତ୍ୟୁ ଘଟିଥିବା ସୂଚନା ମିଳିଛି । ମୃତ ଯୁବକ ଜଣକ ପୋଇତଗୁଡା ଗ୍ରାମର ବିଷମ ଚଲାଣ(୨୦) । ମିଳିଥିବା ସୂଚନା ଅନୁଯାଇ ଗ୍ରାମର ବିଷମ ଚଲାଣ ଓ ଚିଙ୍ଗଡୁ ଚଲାଣ କୌଣସି କାମରେ ଆଟିଗାଁକୁ ଯାଇ ରାତି ପ୍ରାୟ ସାଢେ ୯ରେ ଏକ ବାଇକ ଯୋଗେ ପୋଇତଗୁଡା ଗ୍ରାମକୁ ଫେରୁଥିଲେ । ଆସୁଥିବା ସମୟରେ ରାତିରେ ଝରନଗୁଡା ରାସ୍ତାର ଏକ କଲଭର୍ଟ ନିକଟରେ ବାଇକଟି ଦୁର୍ଘଟଣା ଗସ୍ତ ହୋଇଥିଲା । ଏହାପରେ ଉକ୍ତ ରାସ୍ତା ଦେଇଯାଉଥିବା ଲୋକ ଦୁଇ ଜଣକୁ ଉଦ୍ଧାର କରି ୧୦୮ ଆମ୍ବୁଲାନ୍ସରେ କୋଷାଗୁମୁଡା ଗୋଷ୍ଟି ସ୍ୱାସ୍ଥ୍ୟ କେନ୍ଦ୍ରକୁ ନେଇ ଯାଇଥିବା ବେଳେ ଡାକ୍ତର ବିଷମକୁ ମୃତ ଘୋଷଣା କରିଥିଲେ । ଏନେଇ ମୃତକଙ୍କ ବାପା ପଦମ ଚଲାଣ କୋଡିଙ୍ଗା ଥାନାରେ ଏକ ଏତଲା ଦାୟାର କରିବା ପରେ କୋଡିଙ୍ଗା ପୋଲିସ ୦୧।୨୩ରେ ଏକ ମାମଲା ରୁଜୁ କରି ମୃତଦେହ ଜବତ କରି ଶବ ବ୍ୟବଚ୍ଛେଦ ପରେ ପରିବାରବର୍ଗଙ୍କୁ ହସ୍ତାନ୍ତର କରିଥିବା କୋଡିଙ୍ଗା ଥାନା ଅଧିକାରୀ ଅଭିମନ୍ୟୁ ଦୂର୍ଗା ସୂଚନା ଦେଇଛନ୍ତି ।

ନବରଙ୍ଗପୁର ଜିଲ୍ଲା କୋଷାଗୁମୁଡ଼ା ବ୍ଲକର ବିଭିନ୍ନ ଅଞ୍ଚଳରେ ରବିବାର ବଡ଼ଦିନ ମହାଆଡମ୍ବରରେ ପାଳନ କରାଯାଇଥିବା ଦେଖିବାକୁ ମିଳିଛି । ଗତ ଦୁଇ ବର୍ଷ ଧରି କରୋନା କଟକଣା ଯୋଗୁଁ ଖ୍ରୀଷ୍ଟିମାସ ପର୍ବଟି ଫିକା ପଢିଥିବା ବେଳେ ଚଳିତ ବର୍ଷ କିନ୍ତୁ ଧୁମଧାମରେ ପାଳିତ ହୋଇଛି । ବ୍ଲକର କୋଷାଗୁମୁଡ଼ା, ପୂଜାରୀଗୁଡା, କୋଡ଼ିଙ୍ଗା, କୋଣ୍ଡାପୁରୀ, ବି.ଏମ. ସେମଳା, ବନ୍ଦୀଗୁଡା, ରାନୀଗୁଡା, ସାନଆମ୍ବଡା, ଆଦି ଅଞ୍ଚଳର ଚର୍ଚ୍ଚ ମାନଙ୍କରେ ବଡ଼ଦିନକୁ ମହା ସମାରୋହରେ ପାଳନ କରାଯାଇଥିବା ନଜରରେ ଆସିଛି । ଶନିବାର ରାତ୍ରଠାରୁ ଏହି ଉତ୍ସବ ଆରମ୍ଭ ହୋଇଥିଲା ।ଏହି ଅବସରରେ ପ୍ରଥମେ ଚର୍ଚ୍ଚ ମାନଙ୍କରେ ଖ୍ରୀଷ୍ଟ ଧର୍ମାବଲମ୍ବୀ ମାନେ ଏକତ୍ରିତ ହୋଇ ବିଶ୍ୱ କଲ୍ୟାଣ ପାଇଁ ସାମୁହିକ ପ୍ରାର୍ଥନା କରିଥିଲେ ପରେ ଚର୍ଚ୍ଚର ପାଳକ ମାନେ ବାଇବେଲରୁ ପ୍ରଭୁ ଯୀଶୁଙ୍କ ଜନ୍ମର ଶୁଭ ବାର୍ତ୍ତା ସମସ୍ତ ଙ୍କୁ ଦେଇଥିଲେ । କାର୍ଯ୍ୟକ୍ରମ ଶେଷରେ ଆନନ୍ଦ ଉଲ୍ଲାସର ସହ ଖ୍ରୀଷ୍ଟମାସ କେକ କଟାଯାଇଥିଲା। କେକ ସହ ଚକୋଲେଟ ବଣ୍ଟନ କରାଯାଇଥିଲା । ସମସ୍ତଙ୍କ ଦ୍ବାରା ଭକ୍ତି ସଙ୍ଗୀତ ଗାନ କରିବା ସହ କୁନି କୁନି ଛୁଆମାନଙ୍କ ନୃତ୍ୟ ଓ ସ୍ୱର୍ଣ୍ଣମୟ ବାକ୍ୟ ପରିବେଷଣ କରାଯାଇଥିଲା।

କୋଷାଗୁମୁଡ଼ା,୩୦।୧୨(ଖବର ଆମ ଅଞ୍ଚଳର)କୁକୁଡା ଗାଲି ଉପରେ ଚଢାଉ କରି ଶୁକ୍ରବାର କୋଡ଼ିଙ୍ଗା ପୋଲିସ ଆକ୍ରୋଶର ଶିକାର ହୋଇଛି । ଘଟଣାରେ ଦୁର୍ବୁତ୍ତଙ୍କ ଟେକା ପଥର ମାଡରେ ପୋଲିସ ଗାଡିର କାଚ ଭାଙ୍ଗି ଚୁରମାର ହୋଇଯାଇଥିବା ବେଳେ ଜଣେ ହୋମଗାର୍ଡଙ୍କ ମୁଣ୍ଡଫାଟି ଆହତ ସୂଚନା ମିଳିଛି । ମିଳିଥିବା ସୂଚନା ଅନୁଯାଇ କୋଡିଙ୍ଗା ଥାନା ଅନ୍ତର୍ଗତ ତାରାଗାଁ ନିକଟ ବେହେରାଗୁଡାଠାରେ କୁକୁଡା ଗାଲି ଚାଲିଥିବା ପୋଲିସ ସୂଚନା ପାଇଥିଲା ଅପରାହ୍ନ ସାଢେ ୫ଟା ସମୟରେ ପୋଲିସ କୁକୁଡା ଗାଲିରେ ଚଢାଉ କରିଥିଲା । ଉକ୍ତ ସମୟରେ କୁକୁଡା ଗାଲିରେ ଥିବା ଲୋକେ ଟେକା ପଥର ପୋଲିସ ଉପରକୁ ଫିଙ୍ଗିଥିଲେ ଟେକା ପଥର ବାଜି ପୋଲିସ ଗାଡିର କାଚ ଭାଙ୍ଗି ଚୁରମାର ହୋଇଯାଇଥିବା ବେଳେ ଜଣେ ହୋମଗାର୍ଡଙ୍କ ମୁଣ୍ଡଫାଟି ଆହତ ହୋଇଥିଲେ । ସୂଚନା ଥାଉକୁ ଆଦିବାସୀ ଅଦ୍ୟୁସିତ କୋଷାଗୁମୁଡା ବ୍ଲକର କୋଡିଙ୍ଗା ଥାନା ଓ କୋଷାଗୁମୁଡା ଥାନା ଅଞ୍ଚଳର ସୀମାନ୍ତ ବିଭିନ୍ନ ସ୍ଥାନ ମାନଙ୍କରେ ସ୍ଥାନୀୟ କିଛି ପୋଲିସ ଅଧିକାରୀଙ୍କ ମଧ୍ୟସ୍ଥତାରେ କୁକୁଡା ଗାଲି ଦିନକୁ ଦିନ ବଢିବାରେ ଲାଗିଛି । ସୂଚନା ଥାଉକି ୩ ବର୍ଷ ପୂର୍ବେ କୋଡିଙ୍ଗା ଥାନା ଖୁଟିଗୁଡାଠାରେ ଏହିପରି କୁକୁଡାଗାଲି ଚଢାଉରେ ଜଣକୁ ଗିରଫ କରି ପୋଲିସର କାର୍ଯ୍ୟନୁଷ୍ଠାନରେ ପରେ ଗିରଫ ବ୍ୟକ୍ତିଙ୍କ ପୋଲିସ ହାଜତରେ ମୃତ୍ୟୁକୁ ନେଇ ପରବର୍ତ୍ତୀ ସମୟରେ କୋଡିଙ୍ଗା ଥାନାକୁ ଭଙ୍ଗାରୁଜା କରଯାଇଥିଲା ।