ନବରଙ୍ଗପୁର ଜିଲା କୋଷାଗୁମୁଡା ବ୍ଳକ କୋଡିଙ୍ଗା ରାଜ ଚାଉଁରିଆ ମହାବିଦ୍ୟାଳୟଠାରେ ଆଜି ଜାତୀୟ
ସେବା ଯୋଜନାର ୭ଦିନିଆ ସ୍ଵତନ୍ତ୍ର ପ୍ରଶିକ୍ଷଣ ତାଲିମ ଶିବିର ଉଦଘାଟିତ ହୋଇଯାଇଛି । କାର୍ଯ୍ୟକ୍ରମର ପ୍ରଥମଦିନରେ ମୁଖ୍ୟ ଅତିଥିଭାବେ କୋଡିଙ୍ଗା ତହସିଲଦାର ପୂର୍ଣଚନ୍ଦ୍ର
ଜେନା ମୁଖ୍ୟ ଅତିଥି ଭାବେ ଯୋଗଦେଇ ଏହି ପ୍ରଶିକ୍ଷଣ
ତାଲିମ ଶିବିର ଉଦଘାଟିତ
କରିଥିଲେ । ମୁଖ୍ୟ ଅତିଥି, ସମ୍ମାନିତ ଅତିଥି ବ୍ଲକ ଅଧକ୍ଷ୍ୟା ଗୀତରାଣୀ ସମରଥ କୋଡିଙ୍ଗା ଅଧିଷ୍ଠିତ ଦେବତା ରାଜା
ଚାଉଁରିଆଙ୍କ ନିକଟରେ ପୂଜାର୍ଚନା କରି ସଭା
କାର୍ଯ୍ୟ ଆରମ୍ଭ କରିଥିଲେ । ଆଜିର ଅନୁଷ୍ଠିତ ସଭାରେ ମହାବିଦ୍ୟାଳୟ ଅଧକ୍ଷ୍ୟା
ଅମିତା ରାୟ ସଭାପତିତ୍ଵ କରିଥିବା ବେଳେ ମୁଖ୍ୟବକ୍ତା ଭାବେ ଅଧ୍ୟାପକ ବିବେକ
କୁମାର ମହାଳିକ ଯୋଗଦେଇଥିଲେ । ପ୍ରଥମ
ଦିନରେ ଜାତୀୟ
ସେବା ଯୋଜନା ଅଧିକାରୀ ଓଡିଆ ଅଧ୍ୟାପକ ଡାଃ ରବିନାରାୟଣ ପାଣିଗ୍ରାହୀ କାର୍ଯ୍ୟକ୍ରମର ଲକ୍ଷ୍ୟ
ଉଦ୍ଦେଶ୍ୟ ସମ୍ପର୍କରେ ଉପସ୍ଥିତ ସମସ୍ତ ଛାତ୍ରଛାତ୍ରୀ ମାନଙ୍କୁ ବିବରଣୀ ପ୍ରଦାନ କରିଥିଲେ । ଅଧ୍ୟାପକ ଅଖିଳ କୁମାର
ଭଟ୍ଟ ସ୍ଵାଗତ ଭାଷଣ, ଅତିଥି ପରିଚୟ ପ୍ରଦାନ ସହ ମଞ୍ଚ ପରିଚାଳନା କରିଥିଲେ । ମଞ୍ଚାସୀନ ଅତିଥି ମାନେ
ସେବା ମାଧ୍ୟମରେ କିଭଳି ବ୍ୟକ୍ତିତ୍ବର ବିକାଶ ହେବ ସେନେଇ ସେମାନଙ୍କ ମତ ଅଭିଭାଷଣ ମାଧ୍ୟମ ରେ
ରଖିଥିଲେ । ଏହି ଅବସରରେ
ସ୍ଥାନୀୟ ମହାବିଦ୍ୟାଳୟ ପରିସରରେ ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଥିଲା । ଏହି ଶିବିର ଆସନ୍ତା ୭
ଦିନ ଧରି ଚାଲିବାକୁ ଥିବା ବେଳେ ମହାବିଦ୍ୟାଳୟ ପୌଷ୍ୟ ଗ୍ରାମ ରାବଣାଗୁଡା ଠାରେ ସେବା ପ୍ରଦାନ ଓ
ସଚେତନତା ସୃଷ୍ଠୀ କରାଯିବ ବୋଲି ଜାତୀୟ ସେବା ଯୋଜନା ଅଧିକାରୀ ଓଡିଆ ଅଧ୍ୟାପକ ଡାଃ ରବିନାରାୟଣ
ପାଣିଗ୍ରାହୀ ସୂଚନା ଦେଇଛନ୍ତି । ଶେଷରେ ଅଧ୍ୟାପକ ଦାମୋଦର ସାହୁ ଧନ୍ୟବାଦ ଅର୍ପଣ
କରିଥିଲେ । ଏହି କାର୍ଯ୍ୟକ୍ରମକୁ କ୍ରୀଡା ପରିଚାଳକ
ପ୍ରଦୀପ୍ତ କୁମାର ସାମନ୍ତ, ଅଧ୍ୟାପକ
ପଞ୍ଚାନନ ଦୁରିଆ, କିରାଣୀ ସିମାଞ୍ଚଳ ପଟ୍ଟନାୟକ,ଦେବକୀ ଦିଶାରି, ଶୁଭଶ୍ରୀ ଦାସ, ରାକେଶ ମଲ୍ଲିକ,
ଇଶ୍ଵର ମାଝି ମହାବିଦ୍ୟାଳୟ ସମସ୍ତ କର୍ମକର୍ତା ସହଯୋଗ
କରିଥିଲେ ।
Post a Comment