ଖବର ଆମଅଞ୍ଚଳର

                    ୦୨/୦୯:ଶୁଣିଲେ ଆଶ୍ଚର୍ଯ୍ୟ ହୋଇଯିବେ ନିଶ୍ଚୟ ନୂଆ ଟ୍ରାଫିକ ନିୟମ ଲାଗୁ ହେବା ପରେ ଗଂଜାମ RTO ଵ୍ରହ୍ମପୁର BIKE ଅରୋହୀଙ୍କ ଠାରୁ ରେକର୍ଡ ଛୁଆଁ ଜରିମାନା ଆଜି କାଟିଛନ୍ତି । ଟ୍ରାଫିକ ନିୟମ ଆସିଲା । କାଲି ଠାରୁ ସାରା ଭାରତରେ ଗୋଟିଏ ନିୟମ । ଟ୍ରାଫିକ ନିୟମ ଉଲଙ୍ଘନକାରୀ ଙ୍କୁ ଦିଲ୍ଲୀ ରେ ଯାହା ଜରିମାନା ଦେବାକୁ ପଡିବ ଵ୍ରହ୍ମପୁର ଭଳି ଆମ ସହରରେ ମଧ୍ୟ ସମାନ ଜରିମାନା ଦେବାକୁ ପଡିବ । ମିଳିଥିବା ସୂଚନା ଅନୁସାରେ ଏପରି ଅବସ୍ଥାରେ ଆଜି ଗଂଜାମ R T O  ସଞ୍ଜୟ କୁମାର ବିଶ୍ବାଳ ଜଣେ ବାଇକ ଅରୋହି ଙ୍କ ଠାରୁ  ବିଭିନ୍ନ ଟ୍ରାଫିକ ନିୟମ ଉଲଙ୍ଘନ କରିଥିବା ଅଭିଯୋଗ ରେ 24,500 /- ଟଙ୍କାର ଜରିମାନା କାଟିଛନ୍ତି । ଜଣେ ବାଇକ ଅରୋହୀଙ୍କ ଠାରୁ ଏତେ ପରିମାଣରେ ଜରିମାନା ଏହା ସର୍ବକାଳୀନ ରେକର୍ଡ ବୋଲି କୁହାଯାଇଛି । ଏହି ଜରିମାନା ଆଜି ଵ୍ରହ୍ମପୁର ନିକଟସ୍ତ 16 ନଂ ଜାତୀୟ ରାଜପଥ ଅଗସ୍ତି ନୂଆଗାଁ ନିକଟରେ R T O  ଗଂଜାମ କାଟିଛନ୍ତି । ଏହି ଜରିମାନା ଶିକାର ହୋଇଥିବା ବ୍ୟକ୍ତି ନିଜ ବାଇକ ରେ ନମ୍ବର ଲେଖି ନଥିବା ଯୋଗୁଁ 10000/-, driving ଲାଇସେନ୍ସ ନଥିବା ଯୋଗୁଁ 10000/- , ଗାଡ଼ିରେ ଇଂସୁରାନ୍ସ ନଥିବା ଯୋଗୁଁ 2000/- , ଏହା ସହ ଗାଡି ଚଲାଇବା ବେଳେ mobile ରେ କଥା ହୋଇ ଯାଉଥିବା ଯୋଗୁଁ 2000 ସହ ଏକା ଥରକେ ଏତେ ନିୟମ ଖିଲାପ କରିଥିବା ଯୋଗୁଁ 500/- ଟଙ୍କା ଜରିମାନା RTO GANJAM କାଟିଥିଲେ । ନିୟମ ଲାଗୁ ହେବାର ପ୍ରଥମ ଦିନରେ ହିଁ ବାଇକ  ଅରୋହିଙ୍କୁ ଏକ ବଡ଼ ଝଟକା ଲାଗିଛି ।  ଗଂଜାମ RTO ସଂଜୟ କୁମାର ବିଶ୍ବାଳ ସୂଚନା ଦେଇଛନ୍ତି ।

୨/୯ ରାଜ୍ୟରେ ସଡ଼କ ଦୁର୍ଘଟଣା ଓ ମୃତ୍ୟୁ ହ୍ରାସ କରିବା ପାଇଁ ରାଜ୍ୟ ସରକାର ଟ୍ରାଫିକ ନିୟମକୁ କଡ଼ାକଡ଼ି ପାଳନ ସହ ଉଲ୍ଲଘଂନକାରୀଙ୍କ ପାଇଁ ଜୋରିମାନା ପରିମାଣ ବୃଦ୍ଧି କରିଛନ୍ତି।ଆଜିଠୁ ଏହି କଡା ଟ୍ରାଫିକ୍ ନିୟମ ଲାଗୁ ହେବାକୁ ଯାଉଛି। ଶହେ କି ପାଞ୍ଚ ଶହ ନୁହେଁ, ଟ୍ରାଫିକ ନିୟମ ଉଲ୍ଲଂଘନ କଲେ ଏଣିକି ୧୦ ହଜାର ଟଙ୍କା ପର୍ଯ୍ୟନ୍ତ ତଣ୍ଡ ଗଣିବାକୁ ପଡ଼ିବ। ଆଜିଠୁ ଓଡ଼ିଶା ସମେତ ପୁରା ଦେଶରେ ଏହି ପରିବର୍ତ୍ତିତ ନିୟମ ଲାଗୁ ହେବାକୁ ଯାଉଛି।

ନୂଆ ନିୟମ ଅନୁସାରେ, ବିନା ଲାଇସେନ୍ସରେ ଗାଡ଼ି ଚଳାଉଥିଲେ ୫ଶହ ବଦଳରେ ୫ ହଜାର ଦେବାକୁ ପଡ଼ିବ। ମଦ୍ୟପାନ କରି ଗାଡ଼ି ଚଲାଇଲେ ୨ ହଜାର ବଦଳରେ ୧୦ ହଜାର ଟଙ୍କା ଦେବାକୁ ପଡ଼ିବ।ନିର୍ଦ୍ଧାରିତ ବେଗରୁ ଅଧିକ ବେଗରେ ଗାଡ଼ି ଚଲାଇଲେ ୫ ଶହ ବଦଳରେ ୫ ହଜାର ଟଙ୍କା ତଣ୍ଡ ଗଣିବେ ଖିଲାପକାରୀ।

ହକି କଥା ଯଦି ମୁହଁରେ ଆସେ, ତାହେଲେ ସର୍ବପ୍ରଥମ ନାଁ ଧ୍ୟାନଚାନ୍ଦଙ୍କର ଆସିବ। ହକିର ‘ଯାଦୁଗର’ ଭାବେ ପରିଚିତ ଭାରତୀୟ କିମ୍ବଦନ୍ତୀ ମେଜର ଧ୍ୟାନଚାନ୍ଦ ହକି ଇତିହାସର ସବୁଠାରୁ ମହାନ ଖେଳାଳି। ଧ୍ୟାନଚାନ୍ଦ ନିଜର ଅଦ୍ଭୁତ ଖେଳ ଦ୍ୱାରା ଭାରତକୁ ତିନିଥର ଅଲିମ୍ପିକରେ ସ୍ୱର୍ଣ୍ଣ ପଦକ ଜିତାଇଛନ୍ତି। କୁହାଯାଏ, ଧ୍ୟାନଚାନ୍ଦଙ୍କ ଭଳି ହକି ଖେଳାଳି ଆଜି ପର୍ଯ୍ୟନ୍ତ ଜନ୍ମ ନେଇ ନାହାନ୍ତି। ମେଜର ଧ୍ୟାନଚାନ୍ଦଙ୍କୁ ଫୁଟବଲର ପେଲେ ଏବଂ କ୍ରିକେଟର ଡନ୍ ବ୍ରାଡମ୍ୟାନଙ୍କ ସହ ତୁଳନା କରାଯାଏ। ଅଖଣ୍ଡ ଭାରତ ଦେଶର ହକି ଯାଦୁଗର ଭାବେ ପରିଚିତ ଧ୍ୟାନଚାନ୍ଦଙ୍କର ଆଜି ୧୧୪ତମ ଜୟନ୍ତୀ। ଧ୍ୟାନଚାନ୍ଦଙ୍କ ସମ୍ମାନରେ ତାଙ୍କ ଜନ୍ମଦିନ ଅର୍ଥାତ୍ ଅଗଷ୍ଟ ୨୯ ତାରିଖକୁ ପ୍ରତିବର୍ଷ ଭାରତରେ ଜାତୀୟ କ୍ରୀଡ଼ା ଦିବସ ଭାବେ ପାଳନ କରାଯାଏ। ତାଙ୍କ ଜୟନ୍ତୀ ଅବସରରେ କିଛି ପୁରୁଣା ସ୍ମୃତିକୁ ମନେ ପକାଇବା।

ପ୍ରାରମ୍ଭିକ ଜୀବନ: ୨୯ ଅଗଷ୍ଟ, ୧୯୦୫ରେ ଆଲ୍ଲାହାବାଦରେ ଧ୍ୟାନଚାନ୍ଦଙ୍କ ଜନ୍ମ ଏକ ରାଜପୁତ ପରିବାରରେ ହୋଇଥିଲା । ତାଙ୍କ ଭାଇ ରୂପ ସିଂହ ମଧ୍ୟ ଭାରତ ପକ୍ଷରୁ ହକି ଖେଳିସାରିଛନ୍ତି। ଧ୍ୟାନଚାନ୍ଦଙ୍କ ପିତାଙ୍କ ନାଁ ରାମେଶ୍ୱର ସିଂହ ଏବଂ ମା’ଙ୍କ ନାଁ ଶାରଦା ସିଂହ। ଧ୍ୟାନଚାନ୍ଦଙ୍କ ପିତା ବ୍ରିଟିଶ ଭାରତୀୟ ସେନାରେ ଭର୍ତ୍ତି ଥିଲେ ଏବଂ ସେ ସେନା ପକ୍ଷରୁ ହକି ଖେଳିଥିଲେ। ଧ୍ୟାନଚାନ୍ଦଙ୍କର ଦୁଇ ଭାଇ ଥିଲେ। ସେମାନେ ହେଲେ ମୂଲ ସିଂହ ଏବଂ ରୂପ ସିଂହ। ଆର୍ମିରେ ରହିବା କାରଣରୁ ଧ୍ୟାନଚାନ୍ଦଙ୍କ ପିତାଙ୍କର ବିଭିନ୍ନ ସ୍ଥାନକୁ ଟ୍ରାନ୍ସଫର୍ ହେଉଥିଲା। ଏହି କାରଣରୁ ଧ୍ୟାନଚାନ୍ଦଙ୍କ ସ୍କୁଲ ଶିକ୍ଷା ପ୍ରଭାବିତ ହୋଇଥିଲା। ଶେଷରେ ତାଙ୍କ ପରିବାର ଉତ୍ତର ପ୍ରଦେଶର ଝାନସୀରେ ରହିଥିଲେ। ଧ୍ୟାନଚାନ୍ଦ ୧୯୩୨ରେ ଭିକ୍ଟୋରିଆ କଲେଜରେ ଗ୍ରାଜୁଏସନ୍ କରିଥିଲେ। ତେବେ ତାଙ୍କୁ ଆରମ୍ଭରୁ ହକି ପ୍ରତି ସେତେଟା ଆଗ୍ରହ ନଥିଲା, କାରଣ ସେ କୁସ୍ତିକୁ ବହୁତ ପସନ୍ଦ ଥିଲା।

୧୭ ବର୍ଷରେ ସେନାରେ ସାମିଲ୍: ୨୯ ଅଗଷ୍ଟ, ୧୯୨୨ରେ ନିଜର ୧୭ତମ ଜନ୍ମଦିବସରେ ଧ୍ୟାନଚାନ୍ଦ ବ୍ରିଟିଶ ଭାରତୀୟ ସେନାରେ ସାମିଲ୍ ହୋଇଥିଲେ। ନ୍ୟୁଜିଲ୍ୟାଣ୍ଡ ଗସ୍ତ ପାଇଁ ତାଙ୍କୁ ଭାରତୀୟ ସେନା ଟିମରେ ଚୟନ କରାଯାଇଥିଲା। ଏହି ଗସ୍ତରେ ଟିମ୍ ଭଲ ପ୍ରଦଶୟନ କରି ୧୮ ମ୍ୟାଚ୍ ଜିତିଥିବା ବେଳେ ୨ଟି ଡ୍ର’ ଏବଂ ଗୋଟିଏରେ ପରାସ୍ତ ହୋଇଥିଲା। ଭାରତ ଫେରିବା ପରେ ଧ୍ୟାନଚାନ୍ଦଙ୍କୁ ୧୯୨୭ରେ ଲାନ୍ସ ନାୟକ ଭାବେ ପ୍ରମୋଟ୍ କରାଯାଇଥିଲା। ଶେଷରେ ଧ୍ୟାନଚାନ୍ଦ ୧୯୫୬ରେ ମେଜର ପୋଷ୍ଟରୁ ରିଟାୟର୍ ହୋଇଥିଲେ। ସେ ସେନା ଭାବେ ୩୪ ବର୍ଷ କାର୍ଯ୍ୟ କରିଥିଲେ।

ସ୍ମରଣୀୟ ଉପଲବ୍ଧି: ତାଙ୍କ ବାୟୋଗ୍ରାଫି ‘ଗୋଲ୍’ ଅନୁଯାୟୀ, ମେଜର ଧ୍ୟାନଚାନ୍ଦ ନିଜର ୨୨ ବର୍ଷର କ୍ୟାରିୟରରେ ୧୮୫ ମ୍ୟାଚ୍ ଖେଳି ୫୭୦ ଗୋଲ୍ କରିଛନ୍ତି। ଧ୍ୟାନଚାନ୍ଦ ୧୯୨୮୯ରେ ଆମଷ୍ଟରଡାମ୍ ଅଲିମ୍ପିକରେ ୧୪ ଗୋଲ୍ ଦେଇଥିଲେ। ଏହି ଅଲିମ୍ପିକରେ ସେ ସର୍ବାଧିକ ଗୋଲ୍ କରିବାର ରେକର୍ଡ କରିଥିଲେ । ୧୯୩୨ରେ ଖେଳାଯାଇଥିବା ଅଲିମ୍ପିକରେ ସେ ୮ ଗୋଲ ସହ ଦ୍ୱିତୀୟ ସର୍ବାଧିକ ସ୍କୋରର ହୋଇଥିଲେ। ଧ୍ୟାନଚାନ୍ଦଙ୍କ ନେତୃତ୍ୱରେ ଭାରତ ୧୯୨୮, ୧୯୩୨ ଓ ୧୯୩୬ରେ ଲଗାତାର ତିନୋଟି ଅଲିମ୍ପିକ୍ ସ୍ୱର୍ଣ୍ଣ ପଦକ ଜିତିବାର ରେକର୍ଡ କରିଥିଲା। ଧ୍ୟାନଚାନ୍ଦ ୪୦ ବର୍ଷର ହୋଇଥିଲା ବେଳେ ୨୨ ମ୍ୟାଚରେ ୬୮ ଗୋଲ୍ ଦେଇଥିଲେ।

ଇସ୍‌ଲାମାବାଦ୍‌: କୋଟି କୋଟି ଟଙ୍କା ବିଜୁଳି ଦେୟ ବାକି ପଡ଼ିଥିବାରୁ ପାକିସ୍ତାନର ପ୍ରଧାନମନ୍ତ୍ରୀ ଇମ୍ରାନ୍‌ ଖାଁଙ୍କ ସଚିବାଳୟରୁ ବିଜୁଳି ସଂଯୋଗ ବିଚ୍ଛିନ୍ନ କରାଯାଇଛି। ବୁଧବାର ଦିନ ଏ ସଂକ୍ରନ୍ତରେ ଇସ୍‌ଲାମାବାଦ ଇଲେକ୍ଟ୍ରିକ୍‌ ସପ୍ଲାଇ କମ୍ପାନି ନୋଟିସ୍‌ ଜାରି କରିଛି।

ପାକିସ୍ତାନ ଗଣମାଧ୍ୟମ ଖବର ଅନୁସାରେ, ସଂପ୍ରତି ପାକିସ୍ତାନ ପ୍ରଧାନମନ୍ତ୍ରୀଙ୍କ ସେକେଟେରିଏଟ୍‌ ଉପରେ ଇସ୍‌ଲାମାବାଦ ଇଲେକ୍ଟ୍ରିକ୍‌ ସପ୍ଲାଇ କମ୍ପାନିର ୪୧ ଲକ୍ଷ ଟଙ୍କା ବାକି ପଡ଼ିଛି। ଗତ ମାସରେ ଅର୍ଥର ପରିମାଣ ଥିଲା ୩୫ ଲକ୍ଷ ଟଙ୍କା।

ଥରକୁ ଥର ରିମାଇଣ୍ଡର୍‌ ନୋଟିସ୍‌ ପଠାଇ ମଧ୍ୟ ପ୍ରଧାମନ୍ତ୍ରୀଙ୍କ ସଚିବାଳୟ ବକେୟା ବିଲ୍‌ ପୈଠ କରିବାରେ ବିଫଳ ହେଲା ବୋଲି ଇସ୍‌ଲାମାବାଦ ଇଲେକ୍ଟ୍ରିକ୍‌ ସପ୍ଲାଇ କମ୍ପାନିର ଜଣେ ନିକଟତମଙ୍କସୂତ୍ରରୁ ପ୍ରକାଶ।

ସଚିବାଳୟର ଏ ସମସ୍ୟା ଥରକୁଥର ଘଟି ଚାଲୁଛି। ଯଦି ବକେୟା ଅର୍ଥ ପୈଠ ନ ହୁଏ ଆମେ ବିଜୁଳି କାଟି ଦେବୁ ବୋଲି ଇସ୍‌ଲାମାବାଦ ଇଲେକ୍ଟ୍ରିକ୍‌ ସପ୍ଲାଇ କମ୍ପାନି କହିଥିଲା।

ଅଗଷ୍ଟ ୨୮ ତାରିଖ ଦିନ ମଧ୍ୟ ଏ ସଂକ୍ରାନ୍ତରେ ଇସ୍‌ଲାମାବାଦ ଇଲେକ୍ଟ୍ରିକ୍‌ ସପ୍ଲାଇ କମ୍ପାନି ନୋଟିସ୍‌ ଜାରି କରିଥିଲା।

ଓ୍ଵାସିଂଟନ୍‌: ୩. ୮ ନିୟୁତ ବର୍ଷ ପୂର୍ବେ ବସବାସ କରୁଥିବା ଆଦିମାନବର ପୂର୍ବଜମାନଙ୍କର ଗୋଟିଏ ପୂର୍ଣ୍ଣାଙ୍ଗପ୍ରାୟ ଖପୁରିର ଜୀବାଶ୍ମ ଇଥିଓପିଆରୁ ଆବିଷ୍କାର କରାଯାଇଥିବା କଥା ବୁଧବାର ଦିନ ବୈଜ୍ଞାନିକମାନେ ଘୋଷଣା କରିଛନ୍ତି। ମର୍କଟ ଓ ମାନବ ବୈଶିଷ୍ଟ୍ୟଗୁଡ଼ିକର ଜଟିଳ ମିଶ୍ରଣରେ ଏହି ପ୍ରଜାତିଟି ସୃଷ୍ଟି ହୋଇଥିଲା। ଏହା ହେଉଛି ହାରାହାରି ୪. ୨ ନିୟୁତ ବର୍ଷ ପୂର୍ବେ ଅଷ୍ଟ୍ରାଲୋପିଥିକସ୍‌ ଆନାମେନ୍‌ସିସ୍‌ ପ୍ରଜାତିର ଜୀବ।

ଏମ୍‌ଆର୍‌ଡି ବୋଲି ନାମିତ ଏହି ଜୀବାଶ୍ମ ଆଧୁନିକ ମାନବକୁ ବିବର୍ତ୍ତିତ ହୋଇଥିବା ଜୀବନଧାରାର ଗୁରୁତ୍ୱପୂର୍ଣ୍ଣ ସମୟ ପ୍ରତି ଅନ୍ତର୍ଦୃଷ୍ଟି ପ୍ରଦାନ କରୁଛି।

Image Source: Canoe

ଏହି ଖପୁରିଟି ଇଥିଓପିଆର ରାଜଧାନୀ ଆଡ୍ଡିସ୍‌ ଆବାବାର ଉତ୍ତରପୂର୍ବକୁ ପ୍ରାୟ ୫୫୦ କିଲୋମିଟର୍‌ ଦୂରରୁ ମିଳିଛି। ଆଗରୁ ପଛ ଯାଏଁ ଏହାର ଦୈର୍ଘ୍ୟ ହେଉଛି ୮ ଇଞ୍ଚ୍‌ ଏବଂ ପ୍ରସ୍ଥ ହେଉଛି ୪. ୫ ଇଞ୍ଚ୍‌। ଏହି ପ୍ରଜାତିର ଉଚ୍ଚତା ପ୍ରାୟ ୫ ଫୁଟ୍‌ ଥିଲା ବୋଲି ପୂର୍ବ ଗବେଷକମାନେ ଅନୁମାନ କରିଥିଲେ।

Image Source: Hindustan Times

ମାଟି ଭିତରୁ ଉପରକୁ ଫୁଟି ବାହାରିଥିବା ଉପରଭାଗ ହନୁହାଡ଼ ଖଣ୍ଡିକ ପ୍ରଥମେ ମିଳିଥିଲା। ପରେ ପରେ ସେ ସ୍ଥାନ ଉତ୍‌ଖନନ କରାଯାଇ ଖପୁରିଟିର ବାକି ଅଂଶ ବାହାର କରାଯାଇଥିଲା।

ଏହି ଖପୁରିଟି ଦେଖିବାକୁ ଆଦିମାନବର ମୁହଁ ପରି। ଏହି ପ୍ରଜାତିର ଶରୀର ଗଠନ ଥିଲା ଟାଣୁଆ। ମୁହଁ ଲମ୍ବା। ନଦୀ ଓ ହ୍ରଦ ଅବହାହିକା ଅଞ୍ଚଳରେ ଏମାନେ ବସବାସ କରୁଥିଲେ ବୋଲି ଗବେଷକମାନଙ୍କର ବିଶ୍ୱାସ।