ଇସ୍ଲାମାବାଦ୍: କୋଟି କୋଟି ଟଙ୍କା ବିଜୁଳି ଦେୟ ବାକି ପଡ଼ିଥିବାରୁ ପାକିସ୍ତାନର ପ୍ରଧାନମନ୍ତ୍ରୀ ଇମ୍ରାନ୍ ଖାଁଙ୍କ ସଚିବାଳୟରୁ ବିଜୁଳି ସଂଯୋଗ ବିଚ୍ଛିନ୍ନ କରାଯାଇଛି। ବୁଧବାର ଦିନ ଏ ସଂକ୍ରନ୍ତରେ ଇସ୍ଲାମାବାଦ ଇଲେକ୍ଟ୍ରିକ୍ ସପ୍ଲାଇ କମ୍ପାନି ନୋଟିସ୍ ଜାରି କରିଛି।
ପାକିସ୍ତାନ ଗଣମାଧ୍ୟମ ଖବର ଅନୁସାରେ, ସଂପ୍ରତି ପାକିସ୍ତାନ ପ୍ରଧାନମନ୍ତ୍ରୀଙ୍କ ସେକେଟେରିଏଟ୍ ଉପରେ ଇସ୍ଲାମାବାଦ ଇଲେକ୍ଟ୍ରିକ୍ ସପ୍ଲାଇ କମ୍ପାନିର ୪୧ ଲକ୍ଷ ଟଙ୍କା ବାକି ପଡ଼ିଛି। ଗତ ମାସରେ ଅର୍ଥର ପରିମାଣ ଥିଲା ୩୫ ଲକ୍ଷ ଟଙ୍କା।
ଥରକୁ ଥର ରିମାଇଣ୍ଡର୍ ନୋଟିସ୍ ପଠାଇ ମଧ୍ୟ ପ୍ରଧାମନ୍ତ୍ରୀଙ୍କ ସଚିବାଳୟ ବକେୟା ବିଲ୍ ପୈଠ କରିବାରେ ବିଫଳ ହେଲା ବୋଲି ଇସ୍ଲାମାବାଦ ଇଲେକ୍ଟ୍ରିକ୍ ସପ୍ଲାଇ କମ୍ପାନିର ଜଣେ ନିକଟତମଙ୍କସୂତ୍ରରୁ ପ୍ରକାଶ।
ସଚିବାଳୟର ଏ ସମସ୍ୟା ଥରକୁଥର ଘଟି ଚାଲୁଛି। ଯଦି ବକେୟା ଅର୍ଥ ପୈଠ ନ ହୁଏ ଆମେ ବିଜୁଳି କାଟି ଦେବୁ ବୋଲି ଇସ୍ଲାମାବାଦ ଇଲେକ୍ଟ୍ରିକ୍ ସପ୍ଲାଇ କମ୍ପାନି କହିଥିଲା।
ଅଗଷ୍ଟ ୨୮ ତାରିଖ ଦିନ ମଧ୍ୟ ଏ ସଂକ୍ରାନ୍ତରେ ଇସ୍ଲାମାବାଦ ଇଲେକ୍ଟ୍ରିକ୍ ସପ୍ଲାଇ କମ୍ପାନି ନୋଟିସ୍ ଜାରି କରିଥିଲା।
Post a Comment