ଜବରଦଖଲରୁ ଉଚ୍ଛେଦ ହେଲା ପ୍ରସ୍ତାବିତ 5ଟି ସ୍କୁଲ ସ୍ଥାନ

(ଖବର ଆମ ଅଞ୍ଚଳର)୦୪।୦୨ ଜବରଦଖଲରୁ ଉଚ୍ଛେଦ ହେଲା ପ୍ରସ୍ତାବିତ 5ଟି ସ୍କୁଲ ସ୍ଥାନ । ଆଜି କୋଡିଙ୍ଗା ତହସିଲଦାର ଟିକୁନୁ ପୁଟା ନିର୍ଦ୍ଧେଶରେ ଜେସିବି ଲଗାଯାଇ ଉଚ୍ଛେଦ କରାଯାଇଛି ପ୍ରସ୍ତାବିତ କୋଷାଗୁମୁଡା ବ୍ଲକ ସଦର ବାଲେଙ୍ଗା ପଞ୍ଚାୟତ 5ଟି ସ୍କୁଲ ସ୍ଥାନ । ବାଲେଙ୍ଗା ଉନ୍ନୀତ ଉଚ୍ଚ ବିଦ୍ୟାଳୟ । ୬୩ ଡେସିମିଲ ସ୍ଥାନରେ ଅବସ୍ଥିତ ଏହି ବିଦ୍ୟାଳୟ ୧୯୬୨ ମସିହାରେ ସ୍ଥାପିତ ହୋଇଥିଲା । ୨୦୧୨ ମସିହାରୁ ହାଇସ୍କୁଲର ମାନ୍ୟତା ପାଇଥିବା ସ୍କୁଲରେ ପ୍ରଥମରୁ ଦଶମଶ୍ରେଣୀର ମୋଟ ୨୮୨ଜଣ ଛାତ୍ରଛାତ୍ରୀ ଅଧ୍ୟୟନ କରୁଛନ୍ତି । ଏଥିପାଇଁ ଜରାଜିର୍ଣ ୩ଟି ଶ୍ରେଣୀଗୃହକୁ ମିଶାଇ ପ୍ରଥମରୁ ଦଶମ ପାଇଁ ମୋଟ ୬ଟି ଶ୍ରେଣୀଗୃହ ରହିଛି । ବ୍ଲକରେ ୩ୟ ପର୍ଯ୍ୟାୟରେ ଏହି ହାଇସ୍କୁଲଟି ୫ଟି ସ୍କୁଲ ରୂପାନ୍ତରିକରଣ ପାଇଁ ମନୋନୀତ ହୋଇଥିଲା । ସ୍ଥାନ ଅଭାବ ସ୍ଥାନରେ 5ଟି ସ୍କୁଲ ରୂପାନ୍ତରିକରଣ କାମକୁ ଗ୍ରାମବାସୀ ବିରୋଧ କରିବା ସହ ମୁଖ୍ୟରାସ୍ତା ନିକଟରେ ଥିବା ପ୍ରସ୍ତାବିତ ପ୍ରାୟ ୭ଏକର ସ୍ଥାନରେ 5ଟି ସ୍କୁଲ ରୂପାନ୍ତରିକରଣ କାମ କରିବା ଦାବି କରିଥିଲେ । ତେବେ ଖାତା ନଂ ୩୮୮ ପ୍ଲାଟ ନଂ ୧୦୦୩ ପ୍ରସ୍ତାବିତ 5ଟି ସ୍କୁଲ କାମ ପାଇଁ ୭ଏକର ସ୍ଥାନରେ ଗ୍ରାମର ରାମ ଚନ୍ଦ୍ର ମିର୍ଗାନ ଜବରଦଖଲରେ ରଖିଥିବା ନେଇ ଗ୍ରାମବାସୀ ଅଭିଯୋଗ କରିଥିଲେ । ଏନେଇ କୋଡିଙ୍ଗା ତହସିଲ ପକ୍ଷରୁ ପ୍ରଥମେ ନୋଟିସ କରାଯାଇ ଆଜି କୋଡିଙ୍ଗା ତହସିଲଦାର ଶ୍ରୀ ପୁଟା, କୋଡିଙ୍ଗା ଥାନା ଅଧିକାରୀ ଅଭିମନ୍ୟୁ ଦୂର୍ଗା, ରାଜସ୍ୱ ବିଭାଗୀୟ ଅଧିକାରୀ ଓ ଗ୍ରାମବାସୀଙ୍କ ଉପସ୍ଥିତିରେ ଜବରଦଖଲ ଉଚ୍ଛେଦ କରଯାଇଥିଲା । ଆଇନଶୃଙ୍ଖଳାକୁ ଆଖିରେ ରଖି ବ୍ୟାପକ ପୋଲିସ ମୁତୟନ କରଯାଇଥିଲା ।