ସ୍ଵାମୀ ବିବେକାନନ୍ଦଙ୍କ ଜନ୍ମ ଜୟନ୍ତୀ ପାଳିତ

ନବରଙ୍ଗପୁର ଜିଲ୍ଲା କୋଷlଗୁମୁଡl  ବ୍ଲକ କୋଡ଼ିଙ୍ଗl ରାଜ ଚାଉଁରିଆ ଉଚ୍ଚ ମାଧ୍ୟମିକ ବିଦ୍ୟାଳୟଠାରେ ଆଜି ୟୁଥ ରେଡକ୍ରସର ରେଡ୍ ରିବନ୍ କ୍ଲବ୍ ଓ ଜାତୀୟ ସେବା ଯୋଜନାର ମିଳିତ ଆନୁକୁଲ୍ୟରେ ଯୂଗଜନ୍ମl ବିଶ୍ଵ ବିଜୟୀ  ସ୍ଵାମୀ ବିବେକାନନ୍ଦଙ୍କ ଜନ୍ମ ଜୟନ୍ତୀ ପାଳିତ ହୋଇଯାଇଛି । କାର୍ଯ୍ୟକ୍ରମରେ କୋଷlଗୁମୁଡ଼ା ଅଞ୍ଚଳର ଯୁବ ସମାଜସେବୀ ବରିଷ୍ଟ ଅଧିବକ୍ତା କୁଞ୍ଜ ବିହାରୀ ଦାସ ମୁଖ୍ୟ ଅତିଥି ଭାବେ ଯୋଗଦେଇଥିବା ବେଳେ ରାଷ୍ଟ୍ରୀୟ ସ୍ଵୟଂ ସେବକ ସଂଘ କାର୍ଯ୍ୟକର୍ତ୍ତା ବିଶ୍ଵ ମୋହନ ତ୍ରିପାଠୀ, ଅଧ୍ୟାପକ ବିବେକ କୁମାର ମହାଳିକ, ଅଧ୍ୟାପକ ଦାମୋଦର ସାହୁ, ଅଧ୍ୟାପକ ଅଖିଳ କୁମାର ଭଟ୍ଟ, ଅଧ୍ୟାପକ ପଞ୍ଚାନନ ଦୁରିଆ ପ୍ରମୁଖ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ l ଅନୁଷ୍ଠାନର ଅଧ୍ୟକ୍ଷା ଅମିତା ରାୟ  କlର୍ଯ୍ୟକର୍ମରେ ପୌରହିତ୍ୟ କରିଥିବାବେଳେ ଜାତୀୟ ସେବା ଯୋଜନା ଅଧିକାରୀ ଡ ରବି ପାଣିଗ୍ରାହୀ ମଞ୍ଚ ସଂଯୋଜନା କରିଥିଲେ l ମଞ୍ଚାସୀନ ଅତିଥିମାନେ କlର୍ଯ୍ୟକର୍ମର ଲକ୍ଷ୍ୟ ଉଦେଶ ସମ୍ପର୍କରେ ବିସ୍ତୃତ ବିବରଣୀ ପ୍ରଦାନ କରିବା ସହ ରାଷ୍ଟ୍ର ଗଠନରେ ଯୁବଶକ୍ତିର ଗୁରୁତ୍ଵ ପୂର୍ଣ୍ଣ ଭୂମିକା ରହିଅଛି ବୋଲି  ନିଜସ୍ଵ ମତପ୍ରଦାନ କରିବା ସହ ବିକଶିତ ଯୁବକ ବିକଶିତ ଭାରତ  ଲକ୍ଷ୍ୟରେ ସ୍ୱାମୀଜୀଙ୍କ ଆଦର୍ଶରେ ଅନୁପ୍ରାଣିତ ହୋଇ ସମାଜରେ ଥିବା ସମସ୍ତ ଅନ୍ଧ ବିଶ୍ୱାସ କୁସଂସ୍କାରକୁ ଦୂର କରି ଏକ ଆଦର୍ଶ ରାଷ୍ଟ୍ର ଗଠନ ସମ୍ଭବ ବୋଲି ମତ ପ୍ରକାଶ କରିଥିଲେ । ଉକ୍ତ କାର୍ଯ୍ୟକ୍ରମରେ ଅନୁଷ୍ଠାନର  ସମସ୍ତ କର୍ମଚାରୀ ସହଯୋଗ କରିଥିବା ବେଳେ ଓ ପ୍ରାୟ ୩୦୦ରୁ ଊର୍ଦ୍ଧ୍ଵ ଛାତ୍ର ଛାତ୍ରୀ ଯୋଗ ଦେଇଥିଲେ ।