ସଡକ ସୁରକ୍ଷା ସଚେତନତା କାର୍ଯ୍ୟକ୍ରମ

ନବରଙ୍ଗପୁର ଜିଲ୍ଲା କୋଡିଙ୍ଗା ପୋଲିସ ପକ୍ଷରୁ ଆଜି କୋଡିଙ୍ଗାଠାରେ ସଡକ ସୁରକ୍ଷା ମାସ ଉପଲକ୍ଷେ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଥିଲା । କୋଡିଙ୍ଗା ଥାନା ଅଧିକାରୀ ଅଭିମନ୍ୟୁ ଦୂର୍ଗାଙ୍କ ପୌରହିତରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ସ୍ଥାନୀୟ ପୋଲିସ ଓ ମଟର ଚାଳକ ସଂଘ କର୍ମକର୍ତାମାନେ ଏକ ରାଲି ମାଧ୍ୟମରେ ବାହାରି ସମସ୍ତ ମୋଟର ସାଇକେଲ ଆରୋହିଙ୍କୁ ହେଲମେଟ ପିନ୍ଧିବା ଓ ଚାରିଚକିଆ ଚାଳକମାନଙ୍କୁ ସିଟ ବେଲ୍ଟ ବାନ୍ଧିବାର ଉପଦେୟତା ସମ୍ପର୍କରେ ବୁଝାଯାଇଥିଲା । ଏହା ଦ୍ଵାରା କିଭଳି ଭାବେ ନିଜର ମୁଲ୍ୟବାନ ଜୀବନକୁ ବଞ୍ଚାଯାଇ ପାଚିବ ସେ ନେଇ ସଚେତନ କରଯାଇଥିଲା । ସରକାରଙ୍କ ସମସ୍ତ ମୋଟର ଯାନ ନିୟମକୁ ନେଇ ଜୀବନ ସହ ଜୋରିମାନାଚୁ ବଞ୍ଚିବାକୁ ହେଲେ ସମସ୍ତେ ଆଇନକୁ ମାନିବାକୁ ପଡିବ ବୋଲି ସମସ୍ତଙ୍କୁ ସଚେତନ କରଯାଇଥିଲା । ସଚେତନ ମୋଟର ସାଇକେଲ ଆରୋହି, ଚାରିଚକିଆ ଚାଳକମାନଙ୍କୁ ଫୁଲ ତୋଡା ଦେଇ ଅଭିବାଦନ ଜଣାଯାଇଥିଲା । ଏହି କାର୍ଯ୍ୟକ୍ରମରେ କୋଡିଙ୍ଗା ଥାନାର ଏସ.ଆଇ. ବିକ୍ରମ ସାହୁ, ଏ.ଏସ.ଆଇ. ଟି.ଏସ. ପ୍ରଧାନ, ଏ.ଏସ.ଆଇ. ପ୍ରଦୀପ ବାଘ ଓ ସମସ୍ତ ପୋଲିସ ଅଧିକାରୀ ଯୋଗ ଦେଇ ଜନ ସଚେତନ କରିଥିଲେ ।