ଅଭିଯୁକ୍ତ ସ୍ଵାମୀ ଟଙ୍କଧର ଭତରା ଓ ତାର ୩ ବର୍ଷର ପୁଅ ହିରାଧର
ଘଟଣାସ୍ଥଳରେ ସ୍ଥାନୀୟ ପୋଲିସଦ୍ଵାରା ତଦନ୍ତ
ଘରୋଇ କଳହର କରୁଣ ପରିଣତି । ସ୍ବାମୀ ଓ ସ୍ତ୍ରୀଙ୍କ ଝଗଡାରେ ବଳି
ପଡିଲା ୪ ମାସର ଶିଶୁକନ୍ୟା । ଏଭଳି ଏକ ଅଭାବନୀୟ ଓ ହୃଦୟ ବିତାରକ ଘଟଣା ନବରଙ୍ଗପୁର ଜିଲା
କୋଷାଗୁମୁଡା ବ୍ଳକ୍ କୋଡିଙ୍ଗା ଥାନା ଅନ୍ତର୍ଗତ ଚିର୍ମା ଗାଁରେ ଘଟିଯାଇଛି । ସ୍ତ୍ରୀ ଓ ଝିଅକୁ
ହତ୍ୟା କରିବା ପରେ ଅଭିଯୁକ୍ତ ସ୍ବାମୀ ଥାନାରେ ଆତ୍ମସମର୍ପଣ କରିଛି। ମୃତ ମହିଳାଙ୍କ ନାମ ହେଲା
ନୀଳାବତୀ ଭତ୍ରା ଏବଂ ଅଭିଯୁକ୍ତସ୍ଵାମୀ ଜଣଙ୍କ ହେଲେ ଟଙ୍କଧର ଭତ୍ରା(୪୦) । ଆଜି
ସକାଳର ପ୍ରାୟ ୬ ଘଣ୍ଟା ସମୟରେ ଅଭିଯୁକ୍ତ
ଟଙ୍କଧରଙ୍କ ନିଜ ଘର ବାଡିମଧ୍ୟରେ ନୀଳାବତୀ ଓ ତାର ପ୍ରାୟ ୪ମାସର ଛୋଟଝିଅ ଦେହରେ ନିଆ ଲାଗି ସମ୍ପୂର୍ଣ ଜାଲିଯାଇଥିବା ଦେଖି ଗ୍ରାମବାସୀ
କୋଡିଙ୍ଗା ଥାନାରେ ଜଣାଇଥିଲେ । ଏଥିସହ ଅଭିଯୁକ୍ତ ଟଙ୍କଧର ଘର ସମସ୍ତ କବାଟ
ବନ୍ଦ କରି ନିଜେ କୋଡିଙ୍ଗା ଥାନାକୁ ଯାଇ
ଆତ୍ମସମର୍ପଣ
କରିଥିବା ପ୍ରାଥମିକ ସୂଚନାରୁ ଜଣାପଡିଛି । ଗ୍ରାମବାସୀ ଓ ନୀଳାବତୀଙ୍କ ବାପାମାଁ କହିବା ପ୍ରକାରେ ଟଙ୍କଧର
୫ମ ସ୍ତ୍ରୀ ଭାବେ ବିବାହ ସେହି ଗାଁର ନୀଳାବତୀକୁ ବିବାହ କରିଥିଲେ । ପୂର୍ବ ସମସ୍ତ ସ୍ତ୍ରୀ
ମାନଙ୍କୁ ଟଙ୍କଧର ଏହି ପରି ମାରପିଟ ଆଦି ନିର୍ଯ୍ୟାତନା ଦେଇଆସୁଥିଲା ଯାହା ଫଳରେ ପୂର୍ବ ସ୍ତ୍ରୀ
ମାନେ ଟଙ୍କଧର କୁ ଛାଡି ପଳାଇଯାଇଥିଲେ । ଆଜକୁ ୪-୫ ମାସ ପୂର୍ବେ ନୀଳାବତୀ ପ୍ରସବ ପାଇଁ ଡାକ୍ତରଖାନା
ଯିବା ଦିନ ଠାରୁ ତାଙ୍କ ସ୍ଵାମୀ କୁଆଡେ ଜନ୍ମିତ ଝିଅ ମୋର ନୁହେଁ କହି ଗଣ୍ଡଗୋଳ କରିବା ସହ
ନୀଳାବତୀଙ୍କ ଭାଇ ମାନଙ୍କସହ ଟଙ୍କଧରର ଗଣ୍ଡଗୋଲ ହୋଇଥିଲା । ଏନେଇ କୋଡିଙ୍ଗା ଥାନାର ଦ୍ଵାରସ୍ଥ ହେବା ସହ ଚିର୍ମା ସରପଞ୍ଚ ନିକଟରେ ଏକ ପଞ୍ଚବସି ବୁଝାମଣା କରଯାଇଥିଲା । ଏହା ପରେ ମଧ୍ୟ ଟଙ୍କଧର
ସବୁବେଳେ ନୀଳାବତୀକୁ ସନ୍ଦେହ କରିବା ଛାଡିନଥିଲା । ତେବେ ପୂର୍ବ ଗଣ୍ଡଗୋଳକୁ ନେଇ ଗତକାଲି
କୋର୍ଟରେ ହାଜର ହେବାରଥିଲା ।ଆଜି ଟଙ୍କଧର ସ୍ତ୍ରୀ ନୀଳବତୀ ଦେହରେ କିରୋସିନି ଢାଳି ନିଆଁ
ଲଗାଇବା ସହ ନିଜର ୪ ମାସର ଶିଶୁକନ୍ୟାକୁ ମଧ୍ୟ ଛାଡି ନ ଥିଲେ । ସ୍ତ୍ରୀ ଓ ଶିଶୁକନ୍ୟାକୁ
ନିଆଁରେ ଜାଳି ପ୍ରାଣ ହରାଇବା ପରେ ଅଭିଯୁକ୍ତ ଜଣଙ୍କ ଥାନାରେ ଅତ୍ମସମର୍ପଣ କରିଥିଲେ । ଘଟଣାସ୍ଥଳରେ ନବରଙ୍ଗପୁର ଆରଖୀ
ଅଧିକ୍ଷ୍ଯକ ମୁକେଶ କୁମାର ଭାମୋ, କୋଡିଙ୍ଗା ଅତିରିକ୍ତ ତହସିଲଦାର ଦେବିପ୍ରସାଦ ରାଉତ, କୋଡିଙ୍ଗା
ଥାନା ଅଧିକାରୀ କୃଷ୍ଣ ଚନ୍ଦ୍ର ଭତରା ଓ କୋଡିଙ୍ଗା ପୋଲିସ, କୋରାପୁଟ ଡଗ ସ୍ଵଡ, କୋଷଗୁମୁଡା ଅଗ୍ନିଶମ
ବିଭାଗ ଘଟଣାସ୍ଥଳରେ ପହଞ୍ଚି ଶବ ଜବତ କରିଥିବା ଜଣାପଡିଛି । ଆସନ୍ତା କାଲି ବ୍ୟବଛେଦ ପରେ ଶବ ପରିବାର ବର୍ଗଙ୍କୁ ହସ୍ତାନ୍ତର କରାଯିବ ବୋଲି କୋଡିଙ୍ଗା
ଥାନା ଅଧିକାରୀ ସୂଚନା ଦେଇଛନ୍ତି ।
Post a Comment